iNet: "Salot sa Lipunan"

“SALOT SA LIPUNAN” AWARD

Mga kababayan,

Heto na po ang TOP 20 na mga nominado para sa “Salot sa Lipunan” Award.

Sila po ang mga tao o samahan na nagdulot ng pinaka-matinding pagpakasakit, pagpakahirap at pagsasamantala sa taumbayan sa kasalukuyang panahon.

Bumoto na po kayo upang malaman natin kung sino sa mga ito ang dapat unang panagutin.

Maaasahan po ninyo na makatotohanan ang pagbilang ng mga boto, dahil mano-mano ang aming pamaraan. Bawal po ang PCOS dito sa aming tanggapan.

Sumasainyo,

Kilusan ng mga Tagapagtanggol ng Bayan (KTB)

- o -

ANG MGA NOMINADO:

1. Presidente Benigno Simeon “Noynoy” Cojuangco-Aquino III.- Siya ang kasalukuyang pinuno ng oligarkiya sa bansa. Sa kasawiang palad, siya din ang kasalukuyang pinuno ng buong gobyerno, sakop ang Office of the President, Senate, House of Representatives, Supreme Court, atpb, kasama na ang mandarayang Comelec na naglukluk sa kanya sa puwesto. Gamit ang trilyones na “pork barrel,” ginagawa niya ang kahit na anong gusto niya, tulad ng pagpapakulong sa kanyang kaaway na si PGMA, at pagpapatalsik sa puwesto ng isa pang kaaway na si CJ Corona. Lingid sa kaalaman ng taumbayan, si Arroyo ang nag-revoke sa agrarian reform exemption ng Hacienda Luisita. Si Corona naman ang namuno sa Korte Suprema na pagtibayin ang rebokasyon. Sa ilalim ng rehimen ni Presidente Noynoy, tuloy-tuloy ang pag-angkin ng Pamilyang Cojuangco-Aquino sa Hacienda Luisita, kahit pa man wala silang karapatan dahil pera at garantiya ng gobyerno ang ginamit na pambili dito.

2. Pamilyang Cojuangco-Aquino.- Sila marahil ang pinaka-makapangyarihang oligarkong pamilya sa kasalukuyan. Ayon nga sa kasabihan - “absolute power corrupts absolutely.” Mahigit 100 taon na nilang pinagsasamantalahan ang bayan, mula pa nuong himagsikan laban sa mga Kastila. Naging kasabwat ng mga Amerikano, ng mga Hapon, at ngayon ng mga Amerikano muli. Kahit na anong karahasan, pandarambong at pandaraya na sangkot sila, absuwelto kaagad hindi pa man nag-umpisa ang paglilitis. Ito ay sa dahilang kinikilala silang pamilya ng mga santo at bayani. Amen.

3. Pamilyang Lopez.- Sila ang maaaring pinaka-makapangyarihang oligarkong pamilya sa buong kasaysayang ng bayan. Mahigit 100 taon na rin silang naghari-harian sa bayan. Sila ang mga pangunahing tuso sa pag-gamit ng pahayagan o mass media para sa pangangalakal at siempre para sa pulitika. Halos lahat ng hinahawakang negosyo ay bumabagsak sa pagkalugi, ngunit palaging ligtas sa pagka-bangkarote. Ito ay sa dahilang pinapabayaran nila ang kanilang mga utang sa gobyerno, na kumukuha naman ng perang pambayad sa taumbayan. It's more fun in the Philippines!

4. ABS-CBN.- Ito ang pangunahing instrumento na gamit ng Pamilyang Lopez sa pagbalita ng mga kasinungalingan. Magaling sa pag-akusa kahit walang ebidensiya, at mabilis sa pag-absuwelto kahit may ebidensiya. Pinapatakbo ito ng mga propesyonal na propagandista tulad ni Ted Failon at Ricky Carandang (na sa kasalukuyan ay propagandista ng Malacañang).

5. INQUIRER.- Ito ang pangunahing pahayagan ng balitang kasinungalingan. Hanapbuhay nila ang pagdiin sa mga inosente at pagpalaya sa mga may-sala. Ibinibenta ang “headlines” kasama ang kanilang kaluluwa sa kahit na sino basta't may pera. Binansagan silang AC-DC o “attack-and-collect” at “defend-and-collect”. Ngunit kabaliktaran ang nangyayari sa totoong buhay. Higit na angkop ang “collect-and-attack” at “collect-and-defend”. Ibig sabihin ay “money down.” Bukod sa balitang kasinungalingan, meron din silang mga manunulat ng kasinungalingan, tulad ni Conrado de Quiros.

6. PHILSTAR.- Ito ang pangunahing pahayagan ng balitang dilawan. Pag-aari ng pamilya ng Punong Tongressman Feliciano Belmonte, wala na silang ginawa kundi sambahin ang Pamilyang Cojuangco-Aquino, at dikdikin ang mga kalaban nito. Palaging bulok ang mga headlines nito, kundi alay sa mga Aquino-Cojuangco, ay hidden agenda naman ng Gobyernong Amerikano.

7. RAPPLER.- Ito ang pangunahing instrumento ng Oligarkaya sa pagpakalat ng balitang kasinungalingan sa cyber space. Pinamumunuan ito ni Maria A. Ressa, ang dating punong propagandista ng Pamilyang Lopez sa ABS-CBN. Gamit ang teknolohiya, binibigyan nila ng bagong anyo ang mga lumang pamamaraan ng panlilinlang.

8. SWS.- Ito ang pangunahing tagapagpalaganap ng kasinungalingan tungkol sa iba't-ibang aspeto ng lipunan sa pamamagitan ng mga huwad at bayad na survey. Ang SWS ay pinamumuan ng mga kaalyado ng Pamilyang Cojuango-Aquino,

9. Pulsa Asia.- Ito ang kaakibat na tagapagpalaganap ng mga pekeng survey, laban sa katotohanan at pabor sa kasinungalingan. Ang Pulse Asia na binansagang False Asia, ay pag-aari ng mga kamag-anak at kaalyado ng Pamilyang Cojuangco-Aquino.

10. Makati Business Club.- Ito ang samahan ng mga negosyanteng gahaman. Dahil hindi pa lubos na nasiyahan sa hawak na kayaman, pilit itinataguyod ang kanilang monopoliya, gamit ang mga batas na ipinagbabawal ang pagpasok ng mga dayuhang negosyante. Sila ang mga Pinoy, Tsinoy at Tisoy na barat magpasuweldo sa tao, at hindi nagbabayad ng buwis sa gobyerno. Bagamat 10 milyones na sa mga kababayan natin ang nagtatrahabo bilang OFW sa mga dahuyang negosyante, iginigiit pa rin ng MBC ang “nasyonalismo kuno” laban sa mga dayuhang negosyante. Ang resulta ng kanilang gahamang monopoliya, kulang ang mga trabaho at mahal ang mga presyo. Ang MBC ay nasa ilalim ng pamumuno at pangangasiwa ng mga pamilyang Cojuangco-Aquino at Lopez.

11. KKK.- Sila ang mga bagong “crony” na hinirang ni Presidente Noynoy. Sila ang mga Kaklase, Kaibigan at Kabarilan, tulad ni Paquito Ochoa ng OP, Rico Puno na dating sa DILG, Kim Henares sa BIR, Virgie Torres sa LTO, at Edwin Lamierda ng OP (na dating alipores ng Black & White). Kasama dito ang mga bagong sugo ng inhustisiya o kawalang-katarungan, tulad ni Chief Justice Lourdes Sereno at Justice Mavic Leonen ng Korte Suprema, at ni Secretary Leila de Lima ng DOJ. Hindi naman nagpapahuli ang punong mandaraya na si Sixto Brillantes, ang abogado ni Presidente Noynoy na kasalukuyang Chairman ng Comelec.

12. Hyatt 10.- Sila ang mga Capataz ni Haciendero Noynoy, pangunahing ehemplo ng pagka-hudas at pagka-oportunista, tulad ni Dinky Soliman ng DSWD, Ging Deles ng OP, Butch Abad ng DBM. Pinamumunuan sila ng walang iba kundi ng Punong Senatong Franklin Drilon. Kunwari may sariling paninidigan, pero sa Haciendero sunud-sunuran.

13. Akbayan.- Sila ang mga bastos at garapal na rallyista ni Haciendero Noynoy. Pinamumunuan ang samahang ito ng mga pekeng ideyologo, tulad ni Ronald Llamas, Walden Bello, Eta Rosales at Rizza Hontiveros. Kunwari kakampi ng manggagawa at magsasaka, pero nagmamaang-maangan sa usaping Hacienda Luisita. Kunwari nasyonalista pero kusang sinusulong ang Depopulation Agenda ng mga makapangyarihan at dahuyang bansa, gamit ang iba't ibang paraan ng ka-demonyohan, tulad ng same-sex marriage, free contraception at free abortion, na nauuwi sa free sex na siyang sanhi ng pagkawasak ng tahanan. Higit na mabuti pa sana kung yung programang family planning na lamang ang itinataguyod. Kahit papaano, ang family planning ay nakatutok sa mga pamilya o indibidwal na maraming anak, at hindi yung kahit sino na lang ang pinupuntirya.

14. Militarista.- Sila ang mga armadong kasapi ng AFP at PNP na gustong maghari-harian sa bayan ngunit wala namang kakayahan. Sila rin ang tumatayong guwardiya sibil ni Haciendero Noynoy, tulad ni Antonio Trilyones, Pinky Lacson at ang tukayo na sina Danilo Lim at Alfredo Lim. Bagamat hawak nila ang baril, bala at granada, hawak naman ni Noynoy ang mga bayag nila. Para sa bayan daw sila, subalit sa totoo lang, para sa Haciendero lang pala.

15. Trapo.- Sila ang mga Senatong at Tongressman na lantarang nakikipagsabwatan sa sinumang naka-upong Presidente (simula kay Cory Aquino hanggang kay Noynoy Aquino) upang lustayin at ubusin ang kaban ng bayan. Gamit ang batas, ginagawan nila ng iba't ibang paraan, upang mapadali ang pandarambong sa pera ng bayan. Ito ang perang tinatawag na pork barrel, may halagang Php200 milyones bawat Senatong, Php70 milyones bawat Tongressman, at siempre ang pinakamalaki sa buong kasaysayan ng bansa, Php1.3 trilyones para kay Presidente Noynoy.

16. Noytards.- Sila ang mga masugid na taga-subaybay ng mga balitang kasinungalingan ng ABS-CBN, Inquirer at Philstar. Buong akala na makabayan at matalino sila, ngunit ang katotohanan mga uto-uto lang pala ng Oligarkiya. Kahit na anong gawin ng Pamilyang Cojuangco-Aquino ay palaging tama, at kahit na anong gawin ng mga kalaban ay palaging masama. Sayang ang oras na pakikipagtustos sa mga ito, dahil sarado na ang mga utak at nakalimot na sa common sense o pangkaraniwang kaisipan. Sila ang mga panatikong kasapi ng kultong dilawan tulad ni Jim Paredes at Harvey Keh (na sa kasalukuyan ay nagpapakalat ng kamangmangan sa mga estudyante sa Ateneo).

17. Abu Sayyaf.- Sila ang pinakamalaking samahan ng terorista dito sa Timog Silangang Asya na tumatayong galamay ni Osama. Sukdulan ang karahasan at pumapatay ng walang anuman sa ngalan pa man din ng Diyos at bayan. Magaling sa negosyong “kidnap-for-ransom”, at mahilig magpasarap sa panggagahasa. Sana ay sila-sila na lang ang mag-ubusan, nang matahimik na ang bayan.

18. CPP-NPA-NDF.- Sila ang pangunahing tagapagtaguyod ng kasakiman at karahasan. Hindi sila naniniwala sa Diyos, dahil sa kanilang isipan sila ang tumatayong diyos dito sa bayan. Pakay angkinin ang lahat ng ari-arian, kayamanan, kabuhayan, at handang magpataw ng kamatayan sa lahat ng tumututol at lumalaban. Nakakalat sila sa buong lipunan, gamit ang iba't ibang mapanlinlang na samahan, tulad ng Bayan Muna, KMU (Labor), KMP (Farmers), LFS (Youth), ACT (Teachers), Courage (Government), Gabriela (Women), Karapatan (Human Rights), TFD (Church), Piston (Transport), Pasaka (Lumad), NUSP, Kadena, AHW, FLAG, TFAM, PCPR, NCCP (Church), Transmission (Transport), YND, Anakbayan, Armas, EMJP, Kalinaw-Mindanao, NABILUPA (Lumad), Pamalakaya (Fishers), CEGP, Ibon Foundation, Anakpawis (Labor), Migrante (Labor), Kabataan (Youth). Sila daw ay makabayan, ngunit ang kanilang idolo lahat dayuhan, tulad ni Karl Marx, Friedrich Engels, Vladimir Lenin, Josef Stalin at Mao Tse Tung. Sana si Joma Sison na lang, na siyang mastermind ng Plaza Miranda Bombing, at pinaka-unang terorista dito sa Timog Silangang Asya. O di kaya si Ninoy Aquino, ang Oligarkong padrino ng CPP-NPA-NDF, na naghimok kay Joma Sison at Kumander Dante na magsanib puwersa sa loob mismo ng Hacienda Luisita. Kaya naman pala sa Plaza Miranda, halos lahat ng kapartido, kaalyado at kaibigan ni Ninoy Aquino ay tinamaan ng pasabog na bomba, maliban sa kanya na himalang nakatakas sa karahasan.

19. Gobyerno ng Amerika.- Ito ang pangunahing berdugo sa mundo. Hindi matanggap ang katotohanan na palubog na ang kapangyarihan, kaya pilit nag-uumpisa ng digmaan sa iba't ibang sulok ng sanlibutan (tulad dati sa Iraq at ngayon naman sa Syria), maipakita lamang ang kamandag na naiwan. Tagapagtaguyod daw ng demokrasya at kaayusan, pero “padrino” pala ng pandaraya sa halalan. Gamit ang iba't ibang teknolohiya, ang halalan pinapawalang bisa. Tulad sa pinamudmod na PCOS, hindi alam kung saan nagmula, and mga resultang kaduda-duda. Walang tigil na pakikialam sa kalakaran ng iba't ibang bansa, hindi pa man natugunan ang mga panlipunan niyang problema. Sana ay inatupag na lamang niya, ang pagbayad ng napakalaking pagka-utang sa China.

20. Gobyerno ng China.- Ito ang pangunahing berdugo sa Asya. Dahil hindi pa lubos na kontento sa kanyang malawak na lupain, mga nakapaligid na purok at bansa ay pilit pang sakupin, tulad ng Tibet, Kashmir, Taiwan, Paracel at Spratley Islands. Siya rin daw ang may-ari ng South China Sea dahil nasa pangalan niya ito. Dahil nais samsamin pati karagatan, mas mainam kung inumin na niya ang tubig alat dito hanggang sa mabusog siyang lubusan. Gamit ang bagong kayamanan, nagpapamudmod ng pera sa iba't ibang panig ng mundo, kapalit ang likas yaman at kapakanan ng salinlahi sa hinaharap. Gamit naman ang bagong lakas militar, nakikipagbangayan sa ibat' ibang magkalapit na bansa, pilit gawin at kunin ang gusto, nasa tama man o mali. Huwag sana siyang magmadali. Balang araw ay magtutuos din.